Райҳон:    Фильмга қайтсак, ижроингиздан мамнунмисиз, қачон томоша қиламиз, Улуғбек билан осонми ишлаш?

Лола: 5 йил санъат оламидан айро бўлганим сабабли қайтишим жуда қийин кечди. Бу вақт оралиғида бир олам комплекслар ўсиб улар билан курашишни талаб этарди. Партнерим ким бўлишидан қатъий назар ўзим билан ишлаш қийинроқ кечди. Кейин эса ўрганиб кетдим. Мукаммаликнинг чегараси йўқ. Ўзимдан эса хеч қачон қониқмаганман. Фильмни кўргач қониқдимми йўқми айтишим мумкин, шунда хам қониқмасам керак. Май ойларига премьера қилиниши кутилмоқда, албатта сизни таклиф этаман.

Райҳон:    Келажакдан нима кутяпсиз? Нималар режалаштирдингиз? Нималарга интиляпсиз? Нималар учун ишлаяпсиз?

Лола:  Завқ учун ишлаяпман. Шоу-бизнесда бир қандайдир поғонани эгаллаб малика бўламан, кимларгадир кумир бўламан, тақлид учун объект, ёки бир дунё пул орттираман деган мақсадим йўқ. Биринчи навбатда бу ўзимга бўлган ишончни мустахкамлаш, бу ишдан жуда катта завқ оламан. Бу бир ҳаво каби  зарурдек. Мақсадлар биринчи навбатда бахтли бўлиш ва бунинг учун максимал равишда интилиш.

Райҳон:    Сиз учун бахт ўзи нима?

Лола: Бахт бу  хамма нарсани етарли равишда хис қилиш. Бугунги кунда фарзандларим соғ,  бахтли ва етук катта бўлаяптгани, мен уларга она сифатида уларни бахтли қила олишим мен учун катта бахт бўлса керак. Фарзандларимни кулгуси, уларни ютуқлари мана шулар бахтим.

Райҳон:    Қизингиз хонанда бўлишини истармидингиз?

Лола: Тўғрисини айтсам – йўқ. Биринчидан унда хонанда бўлиш учун етарли фазилатлар йўқ. Балки хозирча кўрмаяптгандирман.

Райҳон:    Мен масалан 18 ёшимгача умуман куйламаганман хам, рақсга хам тушмаганман.

Лола:  Балки, лекин менимча бу генга боғлиқ, берилган бўлса бошиданоқ билинса керак. Масалан ўғлимда сезяпман, у 2 ёшда негадир қизимга эмас шу ўғлимга ўтибди. Қизимга бирон нарса гапиришдан аввал юз маротаба ўйлаб гапираман, шу қадар бошқача ва кўнгли нозикки унга алохида муносабат мухим. Гимнастикага мойилликни сезяпман, бўйлари баланд, оёқлари узун, хозирданоқ бемалол "шпагат”ни уддалайди. Бадиий гимнастикага бориши хақида у билан келишдик. Агар унда санъатга иқтидорни сезиб ривожлантирмасам нотўғри бўлган бўларди, ўз вақтида агар онам мени санъатга йўналтирмаганида хануз ўзимни топа олмаган бўлармидим? Ота онани вазифаси фарзандини ўзини топишда  ёрдамлашмоқ. Ўғлим эса қўшиқ куйлайди, фортепианода мусиқа чалади, билмадим уни иқтидорини ривожлантирмаган бўлардим. Албатта санъатга иштиёқи баланд бўлса қаршилик қилмайман. Лекин у қандайдир бир жиддий иш билан машғул бўлишини истардим.

Райҳон:  Яъни сиз  мусиқа жиддий эмас деб ҳисоблайсиз?

Лола: Эркак киши учун бу иккиламчи бўлган нарса деб хисоблайман.

Райҳон:    Ёрқин намуналаримиз бор, Рашид Холиқов, Сардор Рахимхон, Озодбек Назарбеков. Жахонгир Позилжонов хам, балки унда бошқачароқ амплуадир, лекин шунда хам.

Лола: Рашид Холиқов хақида фикрингизга қўшилишим мумкин. Бошқаларни хам лекин...Билмадим, агар ўғлим учун бу хобби тарзида бўлса қарши бўлмасдим. У оиласи учун таянч бўлиши керак.

Райҳон:    Жиддий эмас деб сиз молиявий тарафлама назарда тутдингизми?

Лола: Хамма тарафлама. Ижодкорлар бошқача бўлади биз буни биламизку. Вахоланки отам хам ижодга алоқадор, лекин жиддий иш билан машғул бўлишга хеч нарса халал бермаган.

Райҳон:    Шундай дейсизу мен эса ўзимни кўпроқ эркак сифатида хис қилаяпман, уйда боқувчи ўзим, менда эркаклик вазифалари кўп бўлганигами..

Лола: Чунки оилада сиз тўнғичсиз, оилада эркак бўлмаса бу тушунарли хол.

Райҳон:    Эркакча маъсулият менда, таъминлашим керак бўлган атрофимда гурух  хам бор, жуда кўп одамлар хақида қайғуришимга тўғри келади. Аслида аёллар иши эмас. Гоҳида қўполлашиб қолишдан қўрқаман хам.

Лола: Бунга мубтало бўлмайсиз деб ўйлайман албатта (кулади)

Райҳон:    Лекин эркакларга хос қаттиққўллик ривожланаётганини сезяпман.

Лола: Бу ўзига ишонган ва мустақил аёлларга хос бўлган оддий ҳислат бўлса керак.

Райҳон:    Сиз ўзингизда шундай ҳислатни сезасизми?

Лола: Албатта, бу хар бир ўзига ишонган ва мустақил аёлда бор бўлган нарса дедимку.

Райҳон:     Лекин менга бу ноқулайлик туғдирмоқда. Сизга қулайми?

Лола: Менга бу керак хам. Мен шунчаки нозик бўла олмайман. Шундай яшаш осонроқ бўлгани учун шу йўл менга маъқул

Райҳон:    Қизимнинг кўнгли нозик дедингиз, сиздан ўтганми бу, сизни хам кўнглингиз нозикми?

Лола:  Хозир йўқ. Хаёт бизни шу қадар ўзгартириб юборар эканки ортга қараб ўша менмидим деб ўйланиб қоларкансиз.

Райҳон:    Яъни чиниқдингиз?

Лола: Ха. Хаётдаги қоқилишлардан туриб яна давомлаган сарингиз кучингиз ортиб боравераркан. Бу билан инсон хам ўзгариб боравераркан. Хозир мени дилимни оғритиш жуда қийин.

Райҳон:     Мен эса акси. Эркакшода бўлиб бораётганим билан негадир яна ўша хатоларимни қайтаравераман. Балки аввалгидек буни кўрсатмасман, лекин мени оддий сўз билан хам хафа қилиб қўйиш мумкин. Балки бу буржим билан боғлиқдир, лекин хеч чиниқа олмайман. Юрагимга қандайдир бир  қалқон илиб қўя олмайман. Сиз танлаган йўл ва ўзингизни тарбиялаганингизни ўзи куч. Мана шу менинг ожизалигим бўлса керак.

Лола: Аёлнинг асосий кучи хам унинг ожизалигида. Сиз айнан хозир ўша истаган инсонингизни учратмаганингиз учун ўзингизни эркакдек хис қиляпсиз, ўша кучни учратганингиздан кейин уни олдида ожиза, содда ва кучсиз бир гул бўлиб хис қилиб химояга мухтож бўлиб қоласиз.

Райҳон:    Шунақанги девор бўла оладиган эркаклар бор деб ўйлайсизми?

Лола: Албатта, улар жуда кам лекин улар бор деб ўйлайман. Қачондир учратамиз, бугун бўлмаса эртага. Балки шунча кутганингизга яраша сизнинг инсонингиз топилар. У қаердадир юрибди, хозир у хақида гапираётганимизни хам сезмаган холда (кулади)

Райҳон:    Тоғам   "Сен ёлғиз қоладиган бриллиант эмассан” деганидек,  турмуш уртоғингиз бўладими ёки янги бир бошқа инсон сизга муносиб узук бўла олади деб ўйлайман. Хаммамиз бахтли бўлишга хақлимиз, ижодий парвоз ва нима бўлган тақдирда хам ўзингиз истаган, орзу қилган ва режалаштирган кўринишда ижобат бўлишини тилайман. Фарзандларингиз бахтингизга катта бўляпти, айнан улар бизни бахтли қилади. Балки эркакларда хам эмас гап, айнан таянчимиз шу фарзандларимизда. Билмадим, балки мен эркаклардан шу қадар кўнглим қолганми лекин менга шундай туюлмоқда.

Лола: Тилаклар учун рахмат, лекин фарзандлар шунчаки пайдо бўлмайди ва фарзандингиз учун отани олдиндан танлайсиз, танлаган эркагингизга қараб мана шу бўлажак фарзандларингиз отаси бўлишини истайсизми деб ўйлайсиз. Бу жуда мухим. Хаётдаги энг катта кучни шу фарзандларим беради. Билмадим агар жуда бир гўзал аёл бўлиб атрофимда миллионта эркак бўлгани билан хозирги фарзандларим бераётган кучни хис қила олмаган бўлардим. Мен хам сизга шу бахтни тилайман. Чунки бу бахтни тасвирлаб бўлмайди.

Райҳон:    Онамни хаётини тахлил қилар эканман, дарҳақиқат биз улар излаган девор эканлигимизни тушуниб етдим.

Лола: Фарзандлар тарбияси катта бахт бўлгани билан катта мехнат хам экан. Бу жуда хам қийин эканлигини хозир билиб онамни энди тушуна бошлаяпман.

Райҳон:     Онангизга яқинроқ бўлганингизни сезяпсизми?

Лола:  Жудаям. Кўп нарсада олдин биз нохақ бўлганимизни хам тушунмоқдаман. Ўзингизда фарзанд бўлганидан кейингина ота-оналарни тушуниб етар экансиз. Мен бундай қила олмаган бўлардим дейман гоҳо. Онам бошидан ўтказган нарсани мен бошимдан ўтказа олмаган бўлардим тўғриси. Шу нарсаларни хисобга олган холда онамдан жуда миннатдорман ва уни ўзим учун идеал аёл деб хисоблайман. Сизнинг идеалингиз борми?  Дейлик ўхшашга харакат қилганингиз? Кумир?

Райҳон:    Йўқ.

Sayyod: У ўлган.(кулгу)

Лола: Даҳшат.

Райҳон:    У менинг кумирим бўлмаган. Бу инсон мени кўп нарсаларга ўргатган, у мени устозим дея оламан. Лекин ижодда хам хаётда хам кумирим йўқ , хар бир инсоннинг хаётда ўз йўли бор, қанчалик тақлид қилманг барибир онангиздек бўла олмайсиз. Хар кимнинг ўз тақдири бор.

Лола: Йўқ, тақлид қилиш учун бўлган кумир эмас, биламан хеч қачон онамдек тоза кўнгиллик  ва донолик даражасига ета олмасам керак.

Райҳон:    Балки вақт ўтиб бундай хислатларга эришгандир, балки сиз хам вақт ўтиб бу даражага ета оларсиз?

Лола: Бўлиши мумкин, лекин барибир бошқа инсон бўламан. Афсуски онамга умуман ўхшамайман. Кимладир ўхшатишади, аввал отангга ўхшардинг, хозир онангга ўхшаб кетмоқдасан деб.  Сўнгги 3-4 йил мени хаётимда катта мухим роль ўйнаб, менда умуман хамма нарсани ўзгартириб юбориб чиниқтирди. 

Райҳон:    Тошбағирроқ бўлиб қолдим дея оласизми?

Лола: Ха, албатта. Шунинг учун хам хозир мени хафа қилиш жудаям қийин. Хозир мени дилимни оғритиш учун яна нима қилиш мумкин, яна нималарни бошимдан ўтказмаган эканман деб ўйланиб қоламан.

Райҳон:    Ўзингизга бўлган ишончни  топдингизми?

Лола: Ха, лекин бошида ўзимга бўлган ишончим жуда хам тушиб кетди. Кейин эса буни уддасидан чиқдим.

Райҳон:    Ўзингиз уддасидан чиқдингизми ёки рухшунос ёрдам бердими? Балки яқинларингиз?

Лола:  Вақт ва яқинларим ёрдам берди. Рухшуносга мурожаат қилганим йўқ, билмадим инсонни ичида ўзига хос манба бўлса, хохланг хохламанг уни хеч нарса синдира олмайди. Онамни эса хаётида нимаики содир бўлса уни хеч хам тошбағир қила олмайди. Қандай холат бўлмасин, қандай сотқинлик бўлмасин қандайдир чўкмас иродага эга инсон. Қандай юмшоқ ва содда бўлмасин шундайлигича қолади.

Райҳон:    Бу яхши деб ўйлайсизми?

Лола: Йўқ, мен уришиб тарбиялашга харакат қиламан (кулади)

Райҳон:    Аслида бу яхши, шунчаки бундай яшаш қийинроқ.

Лола: Айнан! Етар, хаёт биз истагандек бўлавермайди, тошбағирроқ хам бўлиш керак. Ўзи учун, хеч бўлмаса биз учун. Ота-онасини бахтли кўрмоқ фарзандлар бахти.

Райҳон:    Отангиз билан муносабатларингиз қандай?

Лола: (ўйланиб) Яхши. Ота ва фарзанд орасидаги  оддий бўлган  муносабат дея олмайман, яъни кўнглимни бемалол очавермайман. Бу бизда болаликдан шундай тарбия бўлган. Онам бизга отамни жуда бир Худодек кўрсатиб тарбиялаган. Қўрқиш хисси дея олмайману, хурмат даражаси юқори. Маълум чегараланган девор мавжуд. Хозир хам илиқ муносабат ва қандайдир қийинчиликларим бўлса доим маслахат учун отамни олдига бораман.  Онам характеридан келиб чиққан холда менга керак бўлган маслахатни бера олмаслиги мумкин, буни тушунаман, айтаётган нарсалари тўғри эканлигини хам тушуниб тураман..Ва отам менга доим тўғри маслахат бера олишига ишонаман ва доим қулоқ соламан. Отамга кўз ёшимни хам кўрсатишим мумкин...Лекин...бир маротабагина, жуда кам холларда (кулади). Отам олдида кўз ёшимни ушлаб туришга харакат қиламан. Отамни жуда яқин тутаман ва хаётимни отамсиз тасаввур қила олмайман. У мен учун кучли таянчим, менинг суянганим отам, мен буни хар дақиқада хис қиламан.

Райҳон:    Яна бир савол бор, менимча ўта нозик бўлса керак.

Лола: Майли бераверинг.

Райҳон:    Отангизда янги оила. Унга муносабатингиз  ва..менимча бу саволни бермаганим маъқул а?

Лола: Бу саволни бериб бўлишган, хечқиси йўқ, ўрганиб қолганман. Қизиғи бунга  хаётимни турли пайтларида турли жавоб бераман (кулади). Хар ой, хар йил ўзгариб туради. Албатта бу нарса хар бир фарзанд учун стресс, бу сир эмас, буни яширмаганман хам. Мен отамни шу қадар хурмат қиламанки...

Райҳон:    Уни танловини қабул қиласиз..

Лола: Ха. Отамни жуда яхши кўраман ва у нимаики қилса демак шундай бўлиши керак, ва мен буни мухокама қилишга хаққим йўқ. Бошида албатта қийин бўлди, тушуниб етиш ва қабул қилиш қийин  кечди. Депрессия холатлари хам бўлди менда, шунингдек муносабатлар бузулган пайтлари хам бўлди, отам билан эмас албатта. Лекин вақт ўтиб, ўзингиз  билан бўлиб ўтган хаётий холатлардан кейин баъзи нарсаларни қайта қийматлар экансиз. Кейин кўп нарсага бошқа тарафдан қарай бошлайсиз. Фақат ўзингизни эмас, четдан ва ўша вазиятда бўлган инсонларни кўзи билан хам қарай бошлайсиз. Уларни ўрнига хам ўзингизни қўйиб кўрасиз. Мана шу нарсаларни англаб етишга ақлингиз етиши керак экан. Худога шукур бу нарсаларни тушуниб етишга   ақлим етди. Ва кечириш учун сабаб хам йўқ эди, чунки бугунги кунга келиб буни тушуниб  етдим. Мен хаммасини қабул қилдим, қайсидир тарафлама отам учун хотиржамман, чунки...

Райҳон:    Энг тўғри йўл бу дархақиқат бошқа одамни ўрнига ўзингизни қўйиб, вазиятга отанинг кўзи билан қараб, уни онги билан тушунишга харакат қилганингиздагина тўғри хулоса қила олсангиз керак

Лола: Ха, буни хатто рухшунослар хам гоҳида қўллашни тавсия этишади.Лекин дарров буни англамайсизда

Райҳон:    Хаммамиз ўз қизиқишимиз, амбициямиз, ва  ўзлигимиз орқали вазиятни ўтказа туриб гунох қиламиз.  

Лола: Тўғри, бу нарсани англаб етиш керак экан. Менга хам вақт керак бўлди. Мен ўзимни бир ақлли дарров тушуниб англаб етдим дея олмайман.

Райҳон:   Ақлли эмасман, онамчалик доно эмасман дейсизу, лекин сизни  мақтаб қўймоқчиман,   психология тарафлама жуда юқори поғонада фикрлар экансиз. Чунки бу жуда мухим нарса.

Лола: Бир тарафдан отам учун хотиржамлигим, унинг ёнидаги инсонни биламан, унга аминман, отамни олдида бошқаси бўлганидан кўра шундай инсон бўлгани яхшироқ. У инсонга ишонаман, мен биламан...Хар холда  инсон сифатида уни ичидан биладигандек туюлади менга, шунинг учун отам учун хотиржамман. Ва энг асосийси отамга яхши. Агар отамга яхши бўлса, демак менга хам яхши. Фарзандлар учун ота-она бахти мухим.

Райҳон: Онангизга хам яхши деб хисоблайсизми?

Лола: Онам бахтли деб хисоблайман,  чунки у учун фарзандлари хамиша мухим бўлган.Ва у фарзандларига умрини бахшида қилган, бугун натижаларни кўриб у жуда бахтли.Агар онамнинг хам шахсий хаёти йўлга қўйилганида эди унга хам яхши бўларди.

Райҳон:  Агар йўлга қўймоқчи бўлса қарши бўлмасмидингиз?

Лола: Йўқ. Агар шахсий хаётини йўлга қўя олса мен бахтли бўлардим. Хаттоки бунда ёрдам хам берган бўлардим. Лекин менинг онам сал бошқачароқ инсон. У бутун умр хаётини фарзандлар учун бахшида қилиб келган, хозир хам демак ўз бахтини бизда кўряптгандир. Бу биз учун катта маъсулият. Чунки онамиз учун хаёт мазмуни бўлиб уни умидларини оқлай билиш учун маъсулиятни хис қилиб яшаш керак. Шунинг учун онам шахсий хаётини йўлга қўя олса мен жуда бахтли бўлган бўлардим.

Райҳон:    Ижодий режаларингиз?

Лола:   "Ёндиради, куйдиради” фильмини премьераси, янги концерт дастурига тайёргарчилик. Қўшиқлар тайёрланмоқда. Альбом чиқарамиз ва концерт.

Райҳон:    Барча бошлаган ишларингизга омадлар, сухбат учун ташаккур, жуда мароқли ўтди.

Лола: Рахмат сизга хам.

Бир сўз билан қизларнинг журналистик образлари мана бу суратдек бўлди десам муболаға бўлмас.

Лойиха давомида сахна каби тутун эффектини яратиб турган Якзонга

Қизларимизни лойихамизга монанд суратга олиб турган Равшанбекга 

Ассистентим Феруза Фаттаховага 

Ва албатта Райхон хамда Лолаларга ташаккур билдирамиз!