Yurtimizda har oyda 2-3 ta yangi film taqdimotlari bo'lib o'tmoqda. Bu yaxshi, albatta. 5-aprel soat 18-00da Alisher Navoiy nomidagi kino saroyda "Umid" deb nomlangan filmning taqdimoti o'tkazildi.

"O'zbekkino Milliy agentligi" hamda "Karavan cinema" hamkorlikda ishlagan ushbu kartinaga O'zbekiston xalq artisti Ozodbek Nazarbekov ilk bora prodyusserlik qildi. Rejissyor Shamsitdin Isomov.

Taqdimotning o'ziga xos jihatlari ya'ni birinchi ko'zga tashlangan xolat bu kino zal sahnasining gullar bilan bezatilgani shuningdek, sahnada "Oriat-dono" radiosi boshlovchilari Zaynabbegim Yunusova hamda Bahodir Ma'diyevlarning chiqishlari va eng kutilmagani Ozodbek Nazarbekovning film uchun ishlagan ""sountrek qo'shig'i tomoshabinlar uchun katta tuhfa bo'ldi.

Filmda yangi chehralar ya'ni yangi aktyorlar kashf etilgan. Mirolim Qilichev, Nigina Anarbaeva, Setora Farmonova shular jumlasidandir. Haqiqatdan ham ushbu kinokartina yoshlar uchun hayotga, do'st va yaqinlariga, kelajagiga bo'lgan ishonch va umidni shakllantiradi deyish mumkin. Qahramonning boshdan kechirgan kechinmalari, qiyinchiliklari barchaga namuna bo'lishi shubhasiz.