Ўзбек қўшиқларини жаз оҳангларида сайқаллаштириб
куйлай олган Севара Назархонни севиб тингламаган мухлис бўлмаса керак.
Ҳар бир яратган қўшиғи эстрада оламида хит даражасига кўтарила оладиган
хонанда шу кунларда ўз студиясида янги альбоми устида иш олиб бормоқда.
Буни эса хонанданинг кўринмай кетганлигига таажубланаётган мухлислар
учун ажойиб совға дейиш мумкин. Шундай эмасми? Альбомнинг номи ҳозирча
сир тутиляпти. Аммо тез кунларда ўша сирдан воқиф бўласиз. Дарвоқе,
Севканинг янги "Тортадур” таронасига "black” услубида ишланган клипи
эса кўплаб мухлислар таҳсинига сазавор бўляпти.

______________________________________________________________________

Талабалик олтин давр деб бежизга айтишмаган.
Хорижда ўқишни айтмайсизми? Бу борада машҳурлар орасида хонанда
Самандар Ҳамроқулов илдамлик қилмоқда. У АҚШга тез тез бориб келишидан
хабарингиз бор. Мана яқинда у яна океан орти мамлакатига жўнаб кетди.
Гап шундаки,  Самандар Америкада нафақат ўқишини давом эттирмиш, балки,
Огайо штатида бир нечта қўшиқларини ҳам ёзиб қайтармиш... Қизиқ, ўқиш
баҳона Америками ё Америка баҳона ўқишми?! Натижа қандай бўларкин? Буни
Ҳамроқулов билан боғланганда билиб олсак бўлади.