Бугунги саҳифамизда ёшлар орасида рейтинг жиҳатдан бошқаларга қараганда устунликни қўлга киритган хонандаларимизнинг"кеча ва бугун”ги ижодини таққослаб таҳлил қиламиз. Уларнинг ютуқ ва камчиликлари ҳақида фаолияти бевосита шоу олам билан боғлиқ бўлган икки ижодкор ўз фикрларини билдиради. 

Биринчи экспертимиз: "Шов шув.уз” сайти раҳбари Жасур Ҳамроев

Иккинчи экспертимиз: "Сайёд.ком” сайти раҳбари Сардор Комилов 

1.Манзура Йулдошева

Мутлақ ўзгариш ва ўхшашлик

Хонандалик фаолиятини "Себону” тириоси ва "Осиё” дуэтида бошлаган Манзура ўзининг илк яккахон ижодига 2000 йилда "старт” берган эди.  Унинг тез орада "юлдуз” даражасига кўтарилишида кинорежиссёр Рустам Саъдиевнинг  "Муҳаббат синовлари1-2”фильмлари учун куйлаган саундтрекларининг ҳиссаси катта. Кейинчалик режиссёр Саъдиев унда яна бир қирра – актрисалик маҳоратини кашф этгач, Манзуранинг ўзбек шоу-бизнесидаги ўрни янада мустаҳкамлашди. Айниқса, унинг "Севгинатор 1-2” фильмларидаги роли нафақат мухлислар, ҳатто мутахассисилар томонидан ҳам ижобий баҳосини топди.

ЖасурҲамроев: (экспертимиз ўзига маълум айрим сабабларга кўра,унинг ижоди хусусида тўхталишни истамади).

Сардор Комилов: репертуарида миллий тароналарга эътибор суст ва сўнгги пайтларда яратаётган қўшиқлари бир-бирига ўхшаб кетаётгандек... Овози устида кўпроқ ишлаши керак, назаримда.Ютуғи, клипларида бетакрор имиж ва янгиликлар билан бошқалардан ярқ этиб ажралиб туради. 

Райҳон Ғаниева

Ўзгармас рейтинг ва тақлид

 Райҳон интервьюларидан бирида ижодини энди бошлаган кезлари ҳақида хотирларкан: "...одамлар қўшиқларимни қандай қабул қилишяпти, уларга ёқяптими-йўқми», деган хавотир менга тинчлик бермасди. Бир кун йўлда кетаётсам, орқамдан «Ана, ана Райҳон», деб гапиришаётгани эшитилди. Нафасим ичимга тушиб кетди. Хаёлимга биринчи келган фикр: «Танишди!» бўлган. Яна икки қадам босишга улгурдим ё йўқ, ортимдан «Азоблайсан, азоблайсан», деб куйлай бошлашди. Ишонасизми, қувонганимдан сакраб кетай деганман....” дейди. Кечагина оддий эътибордан севинчи ичига сиғмаган хонанда бугун тинимсиз изланишлари ва меҳнати орқасидан бетакрор ва мафтункор деган таъриф билан минглаб  ёшларнинг "кумири”га айланиб улгурди!

Сардор Комилов:Аввалги ижодида камроқ тақлид сезиларди, бугунги кунда уни бемалол Райҳон Джексон деса бўлади. Унга"Ухлаш олдидан киядиган пижамангизнинг ҳам погонлари борми?”деган саволни бериш орзуим. Қўшиқлари кўп, лекин ёдда қоладиганлари камроқ. Катта ютуғи:шижоатида. Тақлидни эплай олгани ҳам унинг бир ютуғи.

ЖасурҲамроев: Шундай нозик танада тоғдек куч яширинлиги қойил қолдиради.  Ўз устида тўхтовсиз ишлашига тан бериш керак.  Маслаҳатим, олдинги табиий жингалак сочларига қайтиб,  "Божалар” билан дэут куйлашни бас қилса...

Улуғбек Раҳматуллаев

Услубдан чекиниш ва қайтиш

"Ойдин-ойдин гўзал кечалар” номли таронаси билан ўзбек эстрадасига ўзига хос ноодатий услубда кириб келган Улуғбек Раҳматуллаевнинг "фанатлари” асосан унинг сокин оҳангдаги тароналарини ёқтириб ижодига мухлис бўлишган.  Жумладан, шундай йўналишда куйланган  "Сен кетдинг”, "Тушунгин мени”, "У энди бошқа” қўшиқлари  минглаб юракларда акс-садо бериш билан бирга,  хонандага "Маҳзун қўшиқлар куйчиси” таърифини тақдим этди дейиш мумкин. Ижодининг дастлабки йилларида қўнғироқ сочлари билан танилаган Раҳматуллаев вақт ўтиб имижида ўзгаришлар киритганидек,  карьерасида ҳам вақт вақти билан янгилик қилишдан чўчимади. Хусусан, "Мини юбка” қўшиғини унинг ижодидаги анашундай туб бурилишлардан  бўлди.Охирг иикки йилда миллий эстрада ўзини синаб кўриб, йўналишидан бироз оғгандай бўлди, бироқ айни пайтда у яна ўз услубига қайтганини кўрамиз.

Сардор Комилов: (экспертимиз ўзига маълум айрим сабабларга кўра,унинг ижоди хусусида тўхталишни истамади).

ЖасурҲамроев:Миллий йўналишдаги қўшиқлари у қадар омадли чиқмаяпти. Ижодида кенг қамровлик йўқ. Улкан ютуғи:  "Капалак”таронаси(унинг бухонишини нақ 500 марта тинглагандирман). Бошқа ҳечбир санъаткор ижодида бунақа маҳзун  шлягер тарона учрамайди.

Сардор Раҳимхон

Омад, илҳом ва...

Ижодини теле ва ридобошловчиликдан бошлаган Сардор Раҳимхон хонанда сифатида "Ишонмасман” қўшиғидан кейин ҳатто ўзи ҳам кутмаган даражада қисқа фурсатда тингловчилар эътиборига тушди.  Айнан ушбу таронаси унинг ташриф қоғозига айланди. Кейинчалик Раҳимхон янгилик қилиш мақсадидами, йўналишини кенгайтириш ниятидами   репертуатрига ўзгартириш (миллий руҳ) киритди.  "Аразингиз очилмайди”, "Самарқанднинг гўзали” қўшиқлари собиқ бошловчини қўшиқчи сифатида ўз мухлислари сафини янада кенгайтиришга ва рейтинг жиҳатдан илдамлаб кетишига хизмат қилди.

Сардор Комилов: катта ютуғи, бу унинг омадида, яъни керак вақтда ва керак жойда омади чопганида.Камчилиги: шахсий фикрим албатта, вокал тарафлама суст...

Жасур Ҳамроев: Охирги пайтлардаги репертуарига назар ташласак, Озодбек Назарбековнинг ижодига изма излик кўзга ташлади. Балки бу устозинингтавсия ва йўл йўриқлари таъсиридир, аммо ўзининг дастхатини қолдириш ниятида бўлган ҳар бир ижодкорнинг аввало ўз йўли бўлиши керак.

Кучли маҳорат ва ортиқча пардоз 

Зиёда.

 шоу-бизнес оламига ўзининг чет эл эстрадасидан "кўчирилган” хониши билан кириб келган бўлсада, тез орада куйлаш махорати билан мухлислар эътиборига тушди.  "Акфа” "проект”ларидан бири сифатида ижодини бошлаган Зиёда бугун шу компанияда раҳбар сифатида фаолият юритаяпти. У компаниянинг ёрқин кашфиёти бўла олди. У  ўзининг куйлаш маҳоратини турли йўналишдаги ижролари орқали намоён этиб, хатто унча-мунча ёш кушикчилар ижодини тан олмайдиган санъакорларнинг ижобий эътирофини қозонишга эришди...

Сардор: камчилиги асосан имижида, либослари ва пардозида меъёрни белгилаб олса яхши бўларди. Проффессионал стилист билан ишлашни йўлга қўйиши лозим.Катта ютуғи: овози. Ҳеч ўйланмай уни профессионал санъаткор деса бўлади.

Жасур Ҳамроев: кеча у накадар содда, сипо эди. Бугун имиджи бачканалашди. Клипларда мушуксимон киёфаларда намоён буляпти... "Чики-чики”... Сузларида мазмун колмаяпти.  Қолаверса, унга саҳнада ҳаракат етишмайди. Бу унинг стилидир, бирок, шундай баланд тембрли овозга сахнада мужмайиб туриш ярашмайди.

Алишер Файз

Ўзига хос услуб ҳамда "ўғрилик”

Озодбек Назарбековнинг шогирди сифатида халққа таништирилган бу хонандани дастлаб ҳамма жойда устозининг номи билан бирга тилга олишарди. Вақт ўтиб у нафақат устози, балки бошқаларга ўхшамаган ўзигагина хос йўналиши  билан санъатдаги ўрнини белгилаб олди. Шинавандалар қалбини забт этишда Файзнинг овозидаги ширалилик қўл келди.  Дарвоқе, у қўшиқлари матни, мусиқаси устида ўзи ишлаб, бу қирраси билан ҳам ижодига бўлган эътибор ва қизиқишни кучайтирди.  Унинг кеча ва бугунги қиёфасидан улғайганини сезиш қийин бўлмаганидек, ижодида ҳам тажриба, маҳорат бирмунча ўсганини кўрамиз. Бунинг оддий исботини мазкур йилги концерт дастурини тўрт кунга узайтирганида кўрса булади.  "Тўрт кун кўп эмасми?” деган саволга тез орада жавоб топилади деган умидамиз.

Сардор Комилов: "Баковулинг бўлойин” қўшиғи Алишерни халққа яхшигина танитган эди. Лекин бугунга келиб унинг ижодида худди шундай кенг оммалашган хит таронани кўрмаймиз. Кузга ташланадиган камчлиги: хориж қўшиқларининг мусиқасини кўчириши..

Жасур Ҳамроев:  Алишер Файз яхши қўшиқчи, лекин ижоди охирги пайтларда Сардор билан уйқашиб кетгандай. Афсуски, мукофотларга келганда бир чеккада қолиб кетяпти.