Бундан бир неча ой илгари Ойга сайёҳлик сафари ҳақида сайтимизда маълумот берган эдик. Унга кўра, 2015 йилда уюштирилажак ушбу энг қиммат коинат сафари фақат икки кишига мўлжалланган бўлиб, 150 миллион долларга чипта сотилган. Фақат чипта эгаси сир тутилаётганди. Куни кеча машҳур инсон ўз номини ОАВларига эълон қилди. У бутун дунёга машҳур кинорежиссёр Жеймс Кэмерон. "Титаник”, "Аватар” каби киноасарлар ижодкори ниҳоят, яна бир сенсацияга қўл урди. У сувости кемаларида Атлантика тубига сайр қилиб, иккита буюк фильмни яратганди: "Тубсиз” ва "Титаник”. 2015 йил Ойга  сайёҳ сифатида қилажак сафарини инобатга олсак, у 2014 йилда "Аватар 2”ни Ер планетасида катта премьера қилишга улгуради. Ойдан қайтгач, ким билсин Кэмерон мисли кўрилмаган ажойиб киноасарни яратар! Қойил э, Жеймс!