Surhon.CoM

yulduzdan yulduzcha sovgalar bilan yoz qaynogida qaynoq yangiliklar

ADMIN — Sat, 18 Jun 2011 09:20:52 GMT

Примадоннамизнинг концертларига хорижда талаб жуда катта. Бу талаб йилдан йилга ортяпти. Айни пайтда Россиянинг кўплаб вилоятларида шундай соғинч концертлари ташкил этиляпти. 30 июлда Юлдуз Усмонова Саратовда илк бора яккахон концерт дастурини тақдим этади. Энг қизиғи, ёз чилласида примадонна стадион тўла мухлисларини ҳам ўзи ёниб, ҳам уларни ёндириш ниятида! Навбатда эса яна бошқа гастрол сафарлари, 2012 йилда эса Лондон шаҳридаги О2 - энг муҳташам концерт марказида яккахон дастури бўлиши режалаштирилган. Эслатиб ўтамиз, ушбу марказда Майкл Жексоннинг концерти бўлиб ўтиши режалаштирилганди. Ўрта Осиё, умуман, Осиё миқёсида ҳали биронта хонанда О2 га қадами етмаган. Ана шунақа гаплар!

Дарвоқе, Юлдуз Усмонова турк санъати юлдузларидан бири Сардар Ўртач билан янги дуэт куйлаш арафасида. Ажойиб мусиқий туҳфа июл ойида катта шов-шувлар ила мухлислар ҳукмига ҳавола этилиши ҳақида хабар бор. Усмонова қаламига мансуб тарона турк юлдузи қалбидан шу қадар жой олдики, бу таронани куйламаслик эса, унинг ҳаётидаги энг катта хатолик бўладигандек...Ахир, аниқ маълумотларга таянсак, Сардар примадоннанинг асл мухлисларидан. Ҳатто, бу ҳақда у Тотлисанинг "Ибо-шоу”сида ҳам тан олган! Ҳозирча ҳукмингизга эксклюзив сифатида дуэт сўзларидан бир парча келтириб ўтамиз. Батафсил маълумотларни кузатиб боринг!

Дуэтдан бир парча (туркчадан таржимаси тахминан шундай):

Артиб ташлай олмайман, кўз ёшим эмассан, кўзимсан...

Артиб ташлай олмайман, тақдиримга битилганим, сўзимсан...

ЖАСУР ҲАМРОЕВ

turkiya saxnasiga ilk qadam ilik muvoqiyatlar..... davomi siz bilan

ADMIN — Sat, 18 Jun 2011 09:19:28 GMT

Райҳон шу кунларда она юртига қайтади. 12-18 июн кунлари у Туркиянинг Денезли шаҳрида халқаро мусиқа фестивалида иштирок этмоқда. Латофатли хонанда концертлар давомида турк тилида "У беники” ("У меники”) қўшиғини ижро этиб, кўпчиликнинг диққатини жалб этди. Ундан ҳам эътиборлиси, ўзбек қўшиқчиси Европа мамлакатлари мусиқа оламидаги энг оламшумул фестивал "Eurovision”нинг бу йилги ғолиблари билан саҳнада қўшиқ куйлади. Райҳоннинг истеъдоди ва малоҳатига ошуфта бўлган журналистлар унинг атрофида гирдикапалак! Хонандадан эса TRT каби нуфузли телеканаллар интервью олишга муваффақ бўлди! Юртимиз шарафини муносиб ҳимоя қила олган севимли хонандамизга янада улкан омадлар тилаб қоламиз.

ЖАСУР

dan balan 24 iyun elchining erkatoy ogli toshkentda

ADMIN — Sat, 18 Jun 2011 09:18:04 GMT

ДАН БАЛАН. 24 ИЮН - ЭЛЧИНИНГ ЭРКАТОЙ ЎҒЛИ ТОШКЕНТДА! 16.06.2011 18:23

Хабарингиз бўлса, юртимизга яна бир машҳур юлдузнинг ташрифи кутилмоқда. ТВда жаранг сочаётган реклама роликлари эса хонанданинг "Терра” радиоси 9 йиллиги муносабати билан концерт тақдим этиши ҳақида билдиради. Энг муҳими, унинг ташрифи рақсни хуш кўрадиган ёшлар учун ажойиб туҳфа бўлади. Дан Балан ҳақида билганлар учун ҳам, билмаганлар учун қуйидаги мақоламиз жуда асқотади. Билганлар ёдга олади, билмаганлар ҳақида у ҳақда тасаввур пайдо бўлади. Марҳамат.

Дан Бэлан 6 феврал, 1979 йиола Молдавия пойтахти Кишенёвда туғилган. Отаси элчи Михая Балан ва онаси телебошловчи Людмила Балан. Болалик чоғларида аккордеон чалиб, мусиқий мактабни туатган.

14—15 ёшида Pantheon ва Inferialis гуруҳларида ишлайди. Inferialis парчалангач, 1998 йилда ўзининг De La Mine (Де Ла Мине, Мендан) қўшиғини ёзади, 1999 йилда собиқ ҳамкори Петр Желиховски билан O-Zone гуруҳини ташкил этади. Биргаликда Dar, Unde Eşti… (Дар, унде ешть…, Қаердасан...) номли альбомни яратишади. 2001 йилдп Дан Бэлан O-Zone ни қайта ташкил этди. Гуруҳда Арсения Тодераша ва Рада Сырбалар ҳам куйлай бошлади. 2002 йилда гуруҳ билан Руминиядаги машҳур овоз ёзиш студияси шартнома имзоладаи ва янги альбомни сотувга чиқарди: Number 1. Numai Tu (Нумай ту, Фақаи Сен) ва Despre Tine (Деспре тине, Сен ҳақингда) каби қўшиқлари Молдавия ва Руминияда хитга айланди. Навбатдаги альбом "DiscO-Zone”даги Dragostea Din Tei (Драгостя дин тей, Биринчи муҳаббат) таронаси дунё бўйича шуҳрат қозонди. Айнан шу хит гуруҳга кутилмаган обрў олиб келди. European Hot 100 Singles чартида қўшиқ 12 ҳафта давомида биринчи ўринни эгаллаб, альбом эса 12 миллион нусхада сотилди.

2005 йилда O-Zone фаолиятини тугатди, ҳар бир хонанда ўзининг яккахон ижоди билан шуғуллана бошлади. Дан "Balan” поп рок гуруҳига асос солди ҳамда Sugar Tunes Numa Numa ва 17 қўшиқларини яратди. Шу билан параллел равишда Crazy Loop тахаллуси остида "The Power of Shower " (Қалб энергияси) номли альбомини яратди. Унинг тақдимоти 2007 йил, 1 декабрида бўлди.

1 декабр, 2009 йилда Кишинёвда Crazy Loop Mix альбоми тақдимоти бўлиб ўтади. Унда Дан альбом номига мувофиқ шу тахаллусда ижод қилган энг хит тароналари ремиксларини оммага ҳавола этади. Энг қизиғи, альбомда хонанданинг номи аллақачон Дан Бэлан дея таништирилади.

2010 йил, февралда Chica Bomb синглини яратди ва тарона тез орада хонанданинг номини бутун дунёга юлдуз даражасида танитди. Навбатдаги қўшиқлар ҳам сўзссиз хитга айланди. 29 октябр, 2010 йилда Дан ва Вера Брежнова ижросида "Кўзёш япроқлари” қўшиғи премьера қилинган куниданоқ миллионлаб инсонлар меҳрини қозонди. "Chica Bomb" россия радиотўлқинларида бир йилда 511000 маротаба жаранг сочгани хитнинг қанчалар оммалашганидан далолат. ТОП 800 чартида тарона 2 ўринни эгаллайди. Европа бўйлаб бир неча концертлар тақдим этиб келаётган элчининг эркатой ўғли, севимли юлдуз қадам ниҳоят Тошкентга етмоқда. Келинг, бирга олқишлаймиз!

Альбомлари:

Dar, Unde Eşti (1999,O-Zone)

Number 1 (2002, O-Zone)
DiscO-Zone (2004, O-Zone)
The Power of Shower (2006, Crazy Loop)
Crazy Loop Mix (2009)
Chica Bomb (2010)

Сингллари

«Ma Ya Hi» (дуэт Lucas Prata билан)

«Crazy Loop (Mm Ma Ma)» (Crazy Loop тахаллуси билан)

«Johanna (Shut Up!)» (Crazy Loop тахаллуси билан)

Dan Balan. Ён дафтарчангизга.

Туғилган куни: 06.02.1979
Туғилган жойи: Требужены қишлоғи, Оргеевский тумани, Молдавия
Бўйи: 190 см
Вазни: 80 кг
Соч ранги: қора
Кўз ранги: қора
Бурж белгиси: Қовға
Оилавий аҳволи: уйланмаган
Аёлларга ёқадиган хусусиятлари: самимийлиги, хушмуомаласи
Қадрлайди: ишонч
Кечира олмайди: хиёнатни
Ер шаридаги энг севимли жойи: Кишенёв
Севимли уй ҳайвони: ит
Севимли таоми: товуқ, салатлар
Севимли ранги: қора

Севимли мусиқаси: Black Eyed Peas, Bon Jovi, Outcast
Севимли мусиқий асбоби: гитара
Хоббиси: шахмат, Audi A6 машинасида шаҳар кезиш, мусиқа

Нималарсиз яшаш мумкин эмас: « Маслоу пирамидаси. Бу инсон эҳтиёжлари ҳақида демак. Биринчи навбатда ҳаммага физик қониқишлар аҳамиятли. Таом, туш. Ҳамиша. Биз қанчалар романтик равишда жавоб беришга уринмайлик, ҳақиқат ҳам шунда. Шундай экан биз кутамиз: бир пайтлар орзу қилганимиз, бойигач, ўзимизга керакли ҳамма ҳамма нарсани сотиб оламиз!”

Биринчи бўса: 11 ёшида.

Мусиқий карьераси бўлмаганида, спортчи-атлет бўларди.

JASUR

Tug'ishdan so'ng erkak va ayolning munosabatlari: jinsiy aloqa \Tu'gishdan keyin ayollarda eriga talpinishi (jinsiy aloqaga munosabati)

ADMIN — Sun, 12 Jun 2011 06:43:59 GMT

Tug'ishdan so'ng erkak va ayolning munosabatlari: jinsiy aloqa

\Tu'gishdan keyin ayollarda eriga talpinishi (jinsiy aloqaga munosabati)

Ko'pchilik erkaklarga ayollarda homiladorlik va emizish bilan bogliq badanidagi o'zgarishlar yoqadi. Ular emizish jarayonini kuzatadilar, ayrimlarida esa farzandining onasiga bundan mehri ham ortishi namoyon bo'ladi. Ayollarda esa tuqqandan keyin eriga nisbatan talpinish (jinsiy aloqaga ehtiyoj) pasayib ketadi. Bu munosabat, aslida kuni bilan bola bilan ovora bo'lgan onaning charchaganidan kelib chiqadi. Jinsiy aloqa haqida o'ylash u yoqda tursin, "tezroq bolam uxlasa-yu, men ham to'yib uxlab olsam" degan fikr ustun bo'lib qoladi. Agar er uy yumushlarini bir qismini o'ziga olib, bolani parvarish etishda xotiniga yordamini ayamasa, bundan o'zi ham yutgan bo'ladi. Ayollar esa biroz bo'lsada eriga ahamiyat berishga, o'zida, uyda romantik holatni yaratishga harakat qilmog'i lozim. Albatta yotog'ingizni hamma burchagida kir pelyonkalar va pamperslar yoyilib yotsa jinsiy aloqa uchun yetarlicha sharoit bo'lmaydi. Yana bir narsani unutmaslik kerak-ki, ayollarda emizish davrida jinsiy organlaridan jinsiy aloqani yumshatuvchi maxsus suyuqlik chiqishi sustlashadi. Bu esa erkaklardan yanada katta sabr va mehrni talab etadi. Agar erkakning barcha harakatlari ham ayolda lazzatlanish imkoniyatini yaratuvchi suyuqlik ajralishiga olib kelmasa, u holda sotuvda mavjud bo'lgan maxsus LYUBRIKANTlardan foydalanish mumkin.

Tug'ishdan keyin ko'krak holati

Tuqqandan keyin ko'krak gormonal o'zgarishlar tufayli ancha o'zgarishlarga duch keladi. Uning jismoniy holati ham o'zgarib kattaroq bo'lib qoladi. Emizish davrida bemalol jinsiy aloqaga kirishish mumkin. Iloji boricha jinsiy aloqani emizishdan keyin yoki sutni soqqandan keyin amalga oshirmoq lozim. Shunda ko'krakda sut miqdori kam bo'lib, aloqa jarayonida to'kilishi kuzatilmaydi. Shuni unutmang, sizning ayollik go'zalligingiz ayni ona bo'lganingizda ochiladi.

Tug'ishdan keyin homiladorlikdan saqlanish

Eringizni sevib, sevilayotgan paytingizda unutmang: emizikli ayol bo'lishingizga qaramay, homilador bo'lib qolish xavfi doim mavjud. Agar barvaqt homilador bo'lishni istamasangiz, u holda quyidagi qoidalarga amal qiling:

Emizishni kuniga kamida 7-8 marta amalga oshiring. Ayniqsa kechasi, uxlash paytidagi emizishlarni yo'q qilmang;
Agar tuqqandan keyin oy ko'rgan bo'lsangiz, u holda homilador bo'lish havfi ortadi;
Bu ikki qonun tuqqandan keyin 6 oy ichida o'z saqlash qobiliyatini namoyon qilishi mumkin. Olti oydan so'ng bu xususiyat yo'qolib, emizishga va oy ko'rmasligingizga qaramay homilador bo'lib qolishingiz oson bo'ladi.

Statistik ma'lumotlarga qaraganda, emizikli ayollarda homilador bo'lish xavfi past bo'ladi, lekin amalda baribir homilador bo'lib qolganlar kam emas. Shuning uchun, agar barvaqt homilador bo'lishni istamasangiz, qo'shimcha saqlanish usullaridan foydalaning.

Emizuvchi ayollar uchun saqlanish usullari

Agar oldin saqlanishning kalendar usulidan (ovulyatsiya kunlarini aniqlab u kunlardan boshqa payt jinsiy aloqaga kirishish) foydalangan bo'lsangiz, bu usul tuqqandan keyin mutloq mos kelmaydi. Chunki tuqqandan so'ng oy kuni qachon kelishini, uning uzunligini va davomiyligini aniqlash uchun bir necha oy talab etiladi.
Birinchi o'rinda saqlanish usuliga prezervativlar kiradi. Bu eng oddiy va eng xavfsiz saqlanish usuli hisoblanadi.
Vrach bilan maslahatlashgan holda saqlanish dorilarini ham iste'mol qilish mumkin. Lekin ko'p hollarda, bu dorilar ta'sirida sut kamayib ketishi kuzatiladi. Saqlanish usullaridan yana biri - bu spiral. Uni tuqqandan so'ng 8 haftada bachadonga o'rnatiladi. Yangi bir saqlanish usuli bu implantlar. Implantni teri ostiga joylab (ukol yordamida) 3 oyga homiladorlikdan saqlanish ta'minlanadi. Svecha, plastir, maxsus qopqoqlar ham mavjud bo'lib, ular bir oz qimmatligi bilan noqulaylik tug'diradi. Kontratsepsiya usullari haqida batafsilroq bu yerda o'qing.

Eng asosiysi, siz o'z oilangizga mos usulini tanlab, er va xotin orasidagi munosabatingiz tuqqandan keyin yanada go'zallashishini va takomillashib borishini, baxtli hayot uchun ta'minlang.

suratta ozbekiston halq artisti OZODBEK NAZARBEKOV

ADMIN — Sun, 12 Jun 2011 06:28:07 GMT

ЎЗБЕКИСТОН ХАЛҚ АРТИСТИ ОЗОДБЕК НАЗАРБЕКОВНИНГ ЎСМИРЛИК ОНЛАРИ. (ЯНГАСИ, ОПАСИ ВА ЖИЯНЛАРИ БИЛАН)

uzbek SHOU-BIZNESIDA yulduzlarni qande qilib yasaydi batafsil

ADMIN — Sun, 12 Jun 2011 06:26:31 GMT

Шоу-бизнес. Келинг, шу атамани ҳаммамиз биргаликда таҳлил қилишга уринамиз. Шоу бу шоу, бизнес бу бизнесда дея шунчаки таъриф ҳам берадиганлар топилади. Шоуни сотиш, сотиб олиш, яна қайта сотиш...Хуллас, пул тикиб даромад кўриш йўлидаги жараён. Шоу бизнес одатда ўйлаб ё таваккал устида қурилган режалар йиғиндисидир. Бироқ, энг қизиғи, натижа олдиндан ҳеч кимга маълум эмас. Шоу бизнеснинг ҳар бир давлатда турли хил тарихга эга. Бизга бу тушунча "Тарона рекордс” компанияси очилиши билан кириб келди. Шу қадар ёш тушунча бўлишига қарамай, кимнингдир кўнглини забт этиб, кимнингдир хафсалисини пир қилиб ривож топмоқда. Ҳозирга қадар, шоу бизнес қанча юлдузларни кашф этди, қанча олдиндан бор юлдузларни ўз дунёсига мафтун этиб олиб кирди, улардан баъзиларини ямламай ютди, қанчасини элади, сарасини саракка, пучағини пучакка ажратди...Ва бу жараён ҳануз давом этяпти. Демак, шоу бизнесни бу борада қадрлаш мумкин.Бироқ, танқидий жиҳатдан ёндошсак, бу оламда ҳамма нарсани пул ва ишонган тоғлар ҳал қилади. Бугунги шоу бизнесда иккида катта бўлиб бор. Саҳифасини эса битаётган шоу бизнес вакиллари талай. Шу бўлимлар ҳақида ўз хулоса ва далилларимизга таяниб мақола битишни лозим топдик. Зора, омма ичида тарқалган "қанотли гап сўзлар”га барҳам бера олсак. Асосий мақсад кумирлар ва мухлислар ўртасида мустаҳкам кўприк ўрнатиш.

БИРИНЧИ БЎЛИМ: КИМ КИМНИНГ "ИХТИРОСИ”?

Ҳеч бир машҳур ўз ўзидан танилиб қолмайди. Ҳеч бир юлдуз санъат осмонида ўз ўзидан порламайди ҳам. Электр токисиз чироқ лампаси ёнса, одамлар буни сеҳр жоду нишонаси дейиши табиий ҳол. Шу каби, аниқроғи, шу сўнгги ташбеҳ бугунги юлдузларимиз ҳаётига жуда мос. Уларнинг ҳар бирининг ўз электр тармоғи бор. Узиб қўйишса, чироқ лампаси нур сочишдан тўхтагани янглиғ, ижод ҳам зулматда қолади.

Шундай экан, келинг сизга аниқ жавоб берамиз: ким кимнинг "кашфиёти”?

Юқорида таъкидлаганимиздек, "Тарона Рекордс”нинг ўрни ўзбек шоу-бизнесида бўлакча эди. Эди дейишимизга сабаб эса, ҳозирда бу компания катта компаниялар соясида қолди ёки якка тартибда продюсерлик фаолияти билан шуғулланувчи шахсларга қарши рақобат қила олмади ё яна бошқа сабаблар. Муҳими, "Тарона” шоу бизнесда бонг ура олди. Компаниянг энг омадли лойиҳалари: "Сетора” (собиқ), Шаҳзода, "Хўжа”, Лола, "Саҳар”, Шоира Отабекова. Айни пайтда Нилуфар Усмонова ва Шаҳриёр. Энг омадсиз ва сарфланган капитални оқлолмаган "юлдуз”ли лойиҳалар: "Жоним”, "Асал”, "Фаёд”, "Зеро”, "Фазо”...Аниқ айтганда, бу гуруҳлар орасида бошқа ҳомийлар томонилан рағбатлантирилган гуруҳлар ҳам бўлган. Йиллар ўтгач, компания нуфузи пасайдими ёхуд Собиқ Иттифоқ каби ички емирилиш жараёни кечдими, юлдуз ва юлдузчалар бу даргоҳни тарк эта бошлашди. Ўртада кўзга кўринмас нифоқ пайдо бўлди. "Тарона” юлдузларнинг ишончини йўқотди, кўплаб шартномалар бекор қилинди. Кўп юлдузлар эса "”Пан Терра студио”дан қўним топишди. Сал ўзига пишиқ хонандалар тажрибали продюсерлар этагидан тутишди. "Сетора” қизлари Камила, Феруза, Лайло гуруҳ номидан бутунлай маҳрум этилди, улар "Сетанҳо”га айланиб қолишди. Халқ тилида айтганда, кимнинг кимга қарғиши тегдию, ҳам гуруҳ иши, ҳам компания иши орқага кетди. "Сетанҳо” узоққа бормади. Бўлинганни бўри ер деганларидек...Шоира Отабекова компаниядан қуённинг суратини чизди. Эркин нафас ола бошлаган хонанда бундан буёгига санъатнинг паст баланд довонидан ўз кучи билан ошиб ўта бошлади. "Тарона рекордс” Шохрух рэперни жуда катта пул эвазига ёшлар орасида суперюлдуз даражасида кашф этди. Миллионлар эвазига яратилган қиммат клиплар, ажиатаж концерт, тинимсиз промалар Шохрухни орзу даражасидаги хонандага айлантирди. Сўнгра, ўртадаги келишмовчилик сабабли Шохрух компанияни тарк этди ва ўзига янги продюсер топди – Шерзод Мадумаров. Суперюлдузга шунча қилинган сайъ ҳаракатлар зое кетгани компания раҳбариятига алам қилди. Бу "садоқат” Шохрухга қимматга тушишини у хаёлига ҳам келтирмаганди. "Тарона” тўрига туташувчи, аниқроғи, тегишли йўллар у учун бекитилди! Компанияга тегишли радиоканалдан то концерт дастурларигача...Аламзада компания сен бўлмасанг бошқаси қабилида янги "Шохрух”ни ихтиро этди. "Сени кўрдим” дея куйлаб, сочларини ғарбона услубда ўрдирган Шаҳриёр пайдо бўлди. Шохрух Шодмонов эса бу ҳолга эътибор бериб бермай, ит ҳурар, карвон ўтар қабилида иш тутиб Шерзод Мадумаров билан тинимсиз ижод қилди ва Мадумаров кўмагида олдинги мавқеини тиклаб олди. Яна яккахон концерт бериб, мухлислар қалбини забт этди...

ДАВОМИ БОР

Жасур ҲАМРОЕВ

Эркинжон РАДЖАПОВ

umar hayyomdan mir alisher navoiygacha

ADMIN — Sun, 12 Jun 2011 06:24:40 GMT

Қадрли замондошим кундалик ҳаёт ташвишлари-ю югур-югурлари ила шеър ва ҳикматли сўзлар мутолаа қилишга анчаa кўрмоқчиман. Ўзбек адабиёти бўстонида ва жаҳон адабий гулшанида сўздан ўзига ҳайкал қўя олган шоир ва адиблар кўплаб топилади. Улардан айримларининг ижодлари билан сизларни ғойибона таништира олсак, улар асарларида ифодаланган ҳис-туйғу ва кечинмаларга сизни ҳам шерик қила олсак бу бизнинг муваффақиятимиз. Бу биринчи қадам, шу сабабли рамзий маънода ўзбек ва жаҳон адабиётида муносиб ўрин эгаллаган, қалбларни забт эта олган шоирларимиз ижодидан сизни баҳраманд этишга қарор қилдик.

Умар Хайём

1) Билгаймисан аё саҳарларда хўроз,

Фарёд этарди, сенга не сўйлар роз.

Ул дерки, аён бўлди саҳар кўзгусида,

Тун ўтди, улардан бехабардирсан боз.

2) Гул узра кўкламнинг шабнами яхши,

Чаманда юз очган ҳамдами яхши.

Яхшимас кечаги кундан сўз очмоқ,

Қувнаб қол бу куннинг ҳар дами яхши.

Шайх Саъдий Шерозий

1) Кимга ёшлигидан берилмас одоб,

Улғайгач бўлади бахтсиз, дили ғаш.

Ҳўл новда эгилар қай ҳолда эгсанг,

Қуруқни тўғрилар фақат ўт, оташ.

2) Ҳар ўқибсен-илмдонсен,

Амал қилмадинг-нодонсан.

Устига китоб ортилган эшак.

На олим ва на донодир бешак.

Бу миясиз қайдан топади хабар,

Устида ўтинми, ё китоб-дафтар.

3) Одамнинг устига қараб бир кунда,

Илму даражасин билса бўлади.

Ва лекин кўнглидан бўлма хотиржам,

Йиллар ўтиб ўзин ошкор қилади.

4) Бировга сир айтиб, сақла дегандан,

Дил сирин ҳеч кимга айтмаган маъқул.

Ариқ тошиб кетса, боғлаб бўлмайди,

Сувни энг бошидан қайтарган маъқул.

Мавлона Жалолиддин Румий (1207-1273)

1) Дўстлар иши учун доим бўл тайёр,

Аммо англа ким тўғри-ю ким айёр.

2) Гар шоҳсен ўзинг устун айлама,

Гар асалдирсен ширинроқмен дема.

3) Доно улким ибрат олгай доимо,

Дўстлари бошига тушганда бало.

4) Ё аслинг каби кўрин, ё кўринганинг каби кўрин.

Паҳлавон Маҳмуд

1) Дедим: айт умрнинг маъноси нима?

Деди: чақмоқ, ё шам ёки парвона.

Дедим: бу дунёга бино қўйган ким?

Деди: ё гўл, ё маст, ёки девона.

2) Эй ишқ, нечук ўтсан ахир дудинг йўқ,

Эй ғам, нечук куйсанким, суруд(қўшиқ)инг йўқ?

Эй орзу, нечуксан, тутқич бермайсан,

Эй шодлик, нечуксанким, вужудинг йўқ.

3) Ёмон билан улфат бўлма, бўл йироқ,

Йўлинга дон сочиб, қўяди тузоқ.

Ёй(камон)ни эгри кўриб тўғрилигидан,

Ўқ ундан қанчалик қочганига боқ.

4) Токи бор экан мардликдан асар,

Аҳли аёлингни этма дарбадар.

Агар мева шохи девордан ошса,

Унга йўловчилар осон қўл чўзар.

Низомиддин Мир Алишер Навоий (1441-901)

1) Ё раб! Эшигингда ул гадомен,

Ким, боштин-аёққача хатомен.

2) Ўз вужудинга тафаккур айлагил,

Ҳар не истарсен-ўзингдан истагил.

3) Олам аҳли билингизким иш эмас душманлиғ,

Ёр ўлунг бир-бирингизгаким эрур ёрлиғ иш.

(Алишер Навоий номидаги Ўзбекистон Миллий боғидаги Навоий ҳайкали тепасидаги гумбазда ану шу пурмаъно сўзлар акс этган)

4) Ифлос нарсалар устидан ўтаётганда оёғида ковуши бўлмаган киши юриши учун

оёғи борлигига шукур қилмоғи лозим.

Эркинжон Раджапов

majruh yangi uzbek kino

ADMIN — Sat, 11 Jun 2011 07:55:39 GMT

"MAJRUH" (Yangi O'zbek Film / 2011)

1-QISM

2-QISM

YOKI

1-qism

2-qism

SANJAR aka meni tashab ketmang degan bu qizcha bilan suxbat quramiz (Олган карзим эвазига жазманликни таклиф килишган..)

ADMIN — Fri, 10 Jun 2011 16:23:22 GMT

Наргиза Абдуллаева: Олган карзим эвазига жазманликни таклиф килишган..(Сухбатнинг давоми.) Биринчи фарзандим нобуд бўлди Тез орада машҳур бўлиб кетдим. Отам ҳам мендан мамнун эдилар. Ўзимча отамнинг ишончларини оқлаганимдан хурсанд бўлиб юрардим. Вақт ўтиб катта бўлиб қолганимни ҳам сезмай қолибман. Совчиларнинг кети узилмасди. 19 ёшимда бой-бадавлат, ўзига тўқ оилага узатишди. Мен у пайтлари турмуш нима экани, эр-хотин қандай бўлиши кераклиги ҳақида ҳеч нарса билмасдим. "Тегиш керакми? Керак!”, деб тегиб кетавердим. Санъатдан ўз хоҳишим билан кетдим. Лекин бу қурбонликлар мен учун яхшилик келтирмади. Турмуш ўртоғим мени хўрлар, "Камбағал оиланинг қизисан-да! Қаерга ҳам борардинг?! Нари борса, бир артистсан-да!”, деган гаплар билан камситар эди. Гоҳида уйга келмас, гоҳида эса ичиб келиб, хушига келган ишни қилар, менга паст назар билан қарарди. Худо бераман деса, беравераркан, 3 ойдан сўнг ҳомиладор бўлдим. Ҳамма кўрганларимни унутдим. Ҳаёт энди бошланди, деб турмуш ўртоғимнинг кўнглини олишга уриндим. У-чи... У эса бу хабардан хурсанд бўлиш у ёқда турсин, ҳатто кўнглим учун жилмайиб ҳам қўймади. Ахир юрагим остидаги бола бегона одамнинг эмас, ўша тантиқ, топганини кайф-сафога сарфлайдиган бойваччанинг зурриёди эди-ку! Унга эса бунинг фарқи йўқ. Ҳомилам 4 ойликдан ошганидан сўнг шифокорлар бу болани туға олмаслигимни, жарроҳлик йўли билан тез олдириб ташлашим керак эканлигини, аммо бошқа ҳомиладор бўла олмаслигимни айтишди. Юрак-бағрим қонга тўлиб, кўзимга дунё қоронғу кўриниб кетди. Ноилож рози бўлдим. Касалхонада ётганимда бир туш кўрдим. Оппоқ кийимли бир отахон ёнимга келиб, "Қизим, сен кўп куюнма. Мен сени тиғ тегишидан сақлаб қоламан. Ҳали кўп фарзанд кўрасан”, деб бошимни силаб кетди. Тушим тўғри чиқди. Жарроҳлик столига ётмадим, аммо болам нобуд бўлди. Бу воқеадан кейин эрим билан базўр бир ой яшадим. Қайнотамнинг камбағалдан олиб, камбағалга солишлари, эримнинг турткилашларидан қочиб, уйимга келдим. Улар ҳаммаси ортимдан уйимизга келишди. Лекин отам мени уларга бермади. "Бундай йигит билан яшагандан кўра қизим эрсиз ўтгани яхши”, деди. Ўша пайтлари кўчага чиқишга қўрқардим. Чунки неча маротаба кўча-кўйда юрганимда, мени ўғирлаб кетганди ҳам. Хаёлимда фақат бир фикр чарх ураверарди: "Энди мени ҳамма хўрласа-чи? Эрдан чиққан жувон, деб дуч келган нокас этагимга осилса-чи?” Отам оламон тўла залда йиғлаб ўтирардилар. Ўйларим хато эмас экан. Ажрашганимдан кейин анча муддат санъатга қайтмадим. Ҳаётимда бўлиб ўтган воқеаларни унутиш учун нимадир қилиб ўзимни овутишим керак эди. Чорасини топдим. Тикувчилик курсида ўқидим. Бора-бора ўзим ҳам мустақил ишлар тика бошладим. Ҳали бу қўшнимиз кўйлагиникалталатгани, ҳали бу дугонам костюмига мунчоқ қадатгани олиб чиқаверишарди. Мўжазгина ижодхонам турли матолар-у қийқим андозалар, машҳур дизайнерларникига хос мода журналлари, калава иплар билан тўлиб-тошган эди. Бу орада дугоналарнинг ҳам саноғи камайди. Очиғи кимнинг қандайлигини мана шунақанги вақтларда билиб олдим. Балки бу кунларим атрофимдагиларни ажратиб олиш учун жўнатилган бир синов бўлганми, деб ҳам ўйлаб қоламан. Ўша вақтлари санъаткор эканимни тамоман унутгандим. Ўзимни бир умр тикув машинаси олдида катта бўлган қизлардек тутардим. Онамнинг "Санъатга қайт, қизим. Ижод қил, одамларнинг, қўни-қўшниларнинг гап-сўзларини шу орқали енг!”, деган нолаларининг кети узилмасди. Бир куни кўчада кетаётсам, йўлимдан режиссёр Иброҳим Расулов чиқиб қолди. Ўзимни олиб қочишга уриндим. Билсам, мени анчадан бери излаётган эканлар. Қўлимга "Бегона баҳор” фильмининг сценарийсини тутқазиб, "Мен бу ролда фақат сизни кўраман” деганларида, оёқ-қўлим титраб кетди. Сценарийни ўқиб чиқдим. Тўғриси, менга манзур бўлди. Роль ўйнашга рози бўлдим. Фильм экран юзини кўриб, томошабинларга ҳавола этилгач, отамнинг оломон билан тўла залда йиғлаб ўтирганларини кўрдим. Очиғи, отамнинг кўзларидаги ёшни биринчи бор кўриб туришим эди. Ёнларига боришга юрагим бетламади. Ўзлари келдилар. Қаттиқ қучоқлаб, "Кечир мени, қизим” деганларида, этим жимирлаб кетди. Наҳотки отам ҳаётимда бўлган ходисаларда ўзини айбдор деб билсалар?.. Олган қарзим эвазига жазманликни таклиф қилишган Яхшиям дунёда яхши инсонлар бор. Санъаткорлардан Диёр Маҳкамов ва унинг ота-онаси оғир кунимда ҳамдард бўлиб, жуда катта ёрдам беришган. Ҳозир улар билан бир оиладек бўлиб кетганмиз. Диёрбек бундан бир неча йил аввал аёллар учун атир- упалар сотадиган дўкон очган эди. Мен ўша ерга сотувчи бўлиб ишга кирдим. Тўғриси, одамлар таниб қолишидан ҳам уялмадим. Нима қилибди? Муҳими ҳалол меҳнат қиляпман. Бир оз муддат ўша дўконда ишладим. Кейинроқ келин кўйлак сотадиган дўконда ҳам ишлаб кўрдим. Хуллас, қаерда ҳалол меҳнат бўлса, ўша ерда мен тайёр эдим. Ўзимиз ховлида турганимиз билан кўп қаватли уйдан ҳам квартира сотиб олган эдик. Опа-укалар ҳарна отамизга ёрдам бўлсин деб ўша уйни ўзимиз таъмирламоқчи бўлдик. Ҳамма ўртага пул ташлади. Мен бир таниш йигитдан қарз олишга мажбур бўлдим. Ишлар ҳаммаси яхши эди. Лекин у йигит бир ҳафта ўтар-ўтмас олган қарзимни сўрашга тушди. Унинг шартига кўра, қарзимни тўғирлаб беришим керак ёки унинг жазмани бўлишим лозим. Одамлардан нафратланиб кетдим. Алам билан пул топгани Москвага, қариндошларимнинг олдига кетдим. Улар ўзлари ишлайдиган корейс ресторанидан менга ҳам иш топишди. Вазифам япон таоми — сушиларни ликопга солиб, хизматчиларга етказиб беришдан иборат эди. Ўзга юртда ҳар хил бало-қазолардан асрайди, деб ўзим билан тасбеҳ олиб келгандим. Бўш қолдим, дегунча, шуни айлантириб ўтирардим. Шундай кунларнинг бирида ҳозирги турмуш ўртоғим мени кўриб қолиб, кузатиб юришга тушдилар. Бу киши у ерларда деярли 10 йилдан буён яшаганлари учун менинг актриса эканимни ҳатто билмаганлар ҳам. Ишхонамиз ҳам бир эди. Мен суши сотардим, у эса биринчи қаватдаги ошхонада бош ошпаз эди. Бора-бора ёнимга кўп чиқадиган бўлди. Очиғи, бундан аввал учраган эркакларнинг биттасидир-да, деб ундан ҳам қўрқа бошладим. Қоронғи тушмай уйга кетиб қолардим. "Менинг қаллиғим бор”, деб алдадим. Аммо улар ишонмадилар. Тошкентдаги манзилимни топдириб, онасини совчиликка юборибдилар. Қайнонам билан совчиликка борган аёл, яъни турмуш ўртоғимнинг холаси "Опа, эсингиз оғиб қолганми? Ахир бу қизнинг кимлигини ҳамма билади-ку, боз устига иккита боласи бўлса? Жиянимга шуни раво кўряпсизми?”, деб роса оғзини кўпиртириб "мақтаган” экан. Хўжайиним эса айтган сўзида туриб олди. Гарчи мендан уч ёш кичкина, бунинг устига олдин уйланмаган бўлсалар-да, турмуш қуришга аҳд қилдилар. Вақт ўтди. Барча гап-сўзларга ойдинлик киритилди. Энг муҳими, турмуш ўртоғим менинг актриса эканим учун эмас, аёллигим учун ўзига турмуш ўртоқ сифатида танлади. Ота-оналари ҳам биздан жуда мамнун. Кўп ўтмай Аллоҳ бизга фарзанд ато этди. Мен энди ўз бахтимни топдим. Бир пайтлар қайсидир китобда Шекспирнинг "Ҳаётимизнинг ўзи театр, одамлар эса ундаги актёрлардир” деган гапларини ўқиб қолгандим. Менинг ҳаётим ҳам театрнинг ўзгинаси. Фақат мен роль ижро этаётган спектаклнинг жанри йўқ. Унда қайғу, қувонч, ғам-ташвиш, дард ва аламнинг бари бир қозонда қайнайди. Муҳими, мен бу театрда бош ролдаман!

Kurtlar Vadisi Pusu 128.Bölüm [SEZON FİNALİ] TO'LIQ

ADMIN — Fri, 10 Jun 2011 16:10:27 GMT

Kino haqida:
Polat Alemdar ismli yigit, o'zining yuzini o'zgartirib, davlat tamonidan, noqonuniy savdolar bilan shug'illanuvchi Mafialarni yo'q qilish maqsadida, Chaqir ismli Mafianing ichiga kirib boradi. Vatanni sevish va millati uchun jonini berish xamda Vatani uchun o'z yaqinlaridan kechish va jonidan ortiq ko'radigan sevgilisidan-da kechib yashaydigan insonni xayotini tamosha qiling!