|
Главная » 2011 » aprel » 19 » АМИША ПАТЕЛЬ...ЮЛДУЗ УСМОНОВАГА ҚАЙСИ ЖИҲАТИ БИЛАН ЎХШАЙДИ? (
22:33 АМИША ПАТЕЛЬ...ЮЛДУЗ УСМОНОВАГА ҚАЙСИ ЖИҲАТИ БИЛАН ЎХШАЙДИ? ( |
НОИДАДА БОЛЛИВУД ЮЛДУЗЛАРИ. САЙТИМИЗДА ЭКСКЛЮЗИВ РЕПОРТАЖ!
Ўқув жараёнида бир неча studytravel лар ўтказилиб, Ҳиндистоннинг энг кўзга кўринган шаҳарларига бориш насиб этди: Тож Маҳали бор Агра, Ражлар макони Жайпур, Сингхларнинг зиёратгоҳи Олтин Темпл эгаси Амритсар, Ҳимолай тоғ ёнбағирдаги мўъжаз шаҳарча Дерадун...Акон туфайли Гургаонни ва бир неча Болливуд юлдузлари ташрифи баҳона Ноидани кўрдик! Ноидага ташрифимиз айни биз кутганимиз бўлди!
Vidhanshu Kumar таклифи билан сайтимиз ушбу кечанинг махсус меҳмони бўлди. Ноидага қараб йўл олдик... Делидан Ноидагача 2 соатлик йўл. Ривож топаётган шаҳарча. Гургаонни эслатадию, бироқ, қурилишлар авжида. Шаҳар ўртасидан суви деярли қуриб бўлган, оқмаётган Ямуна дарёси кесиб ўтади...Борган жойимизда кечага жуда катта тайёргарлик кўрилган. Махсус қурилган павильон ичида турли тоифадаги меҳмонлар жамланган. Катта саҳна ажойиб декорациялар билан безатилган. Paramount Group of Companies томонидан ташкил қилинган ушбу мусиқий тадбир GolfForeste виллалар майдонининг очилишига бағишланган. Виданшу Genie Events компанияси раҳбари Камал Шарма билан таништирди. Компаниянинг асосий офислари Дели ва Мумбайда жойлашган бўлиб, тўғридан тўғри барча Болливуд юлдузлари Шохрух Хондан тортиб Кажолгача билан ишлаш ҳақида қисқача тўхталди. Биз эса сайтимиз ҳақида тўхталдик. Ушбу кечага компания хоҳишига биноан Болливуддан суперюлдуз Амиша Пателни, айни пайтда ёшлар орасида жуда таниқли бўлган Кашмира Шах ва Кришна Абхишекларни таклиф этганини, бизда эса улар билан учрашиш имконияти борлигини айтди. Томоша залидан жойимизни кўрсатишди. (Мақтанишга йўйманг!) Иккинчи қатордан Болливудча шоуни кўриш нақадар мароқли экан. Расмий қисмдан сўнг шоуни Кашмира Шах ўз раққослар гуруҳи билан бошлаб берди. Фонограммада бир неча ҳиндча суперхитлар термасига Кашмира ажойиб рақсларини намойиш этди. Сўнгра Кришна Абхишек. Ўзининг комик роллари орқали танилган актёр Ҳиндистонда айни баҳор мавсуми хитига айланган "Sadi Gali»га рақси билан ҳамманинг олқишига сазавор бўлди. Ниҳоят, фильмларда Саиф Али Хон, Ритик Рошан кабиларнинг жуфти бўлган машҳур актриса Амиша Пателнинг навбати келди. Бўйи пастгина ёқимтой актриса экан...Юлдуз Усмоновага ўхшайдия...бўйи басти! Бироқ, Кашмира билан солиштирганда, Амиша рақсда у қадар истеъдодли эмас деган якуний хулоса чиқардик.
Шоу ниҳоясида саҳна орқасига, юлдузли майдончага таклиф этишди. Тансоқчиларни кўрсангиз! Яна бир неча ўнлаб одамлар бириктирилган. Бу учала юлдузни бизнинг юртда қай даражада танишади билмадиму, бироқ, бу кўраётган жараёнларимиздан шу маълум бўлдики, уларга мухлислар ташна! Тезда телефон орқали интернетда уларнинг номини излаб кўраман. Вой ву... сурат ва мақолар! Демак, машҳур деганларича бор экан!
Кашмира Шах билан чиқишлари ҳақидаги илиқ таассуротларимизни бўлишдик. У Кришна Абхишекни бойфренди сифатида таништирди. Сўнгра Амиша Пател журналистлар олдида намоён бўлди. Ўзини шу қадар осмон тутдики, журналистлар қандай савол билан мурожаат этишга ҳайрон. Спорт ҳақида, хусусан, голф ҳақида савол бердик. Делига, Ноидага ташрифи, сўнгги ижоди ҳақида сўрадик, қисқача жавоб берди. Интервью сўнгида ўзбек мухлислари номидан унинг латофатли актриса эканлигини айтдик ва гўзаллик сирлари билан қизиқдик: у мухлисларнинг меҳр муҳаббати орқали шундай юрганини маълум қилди. (Яқинда интервьюнинг эксклюзив видеосини томоша қиласиз.) Насиб этса, Болливуддан туриб 23 апрелда эксклюзивни биринчи бўлиб тақдим этасиз. Ҳаммаси сиз учун азиз мухлислар! Ахир, биринчи ва эксклюзив сайтнинг мухлисларига меҳнат қилиш бизга куч бағишлайди!
|
Категория: Статья / Maqola |
Просмотров: 707 |
Добавил: ADMIN
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] | |
© 
